Davis tuisskool 1

 
Newsletter 18 October 2019

 

DIE BEGIN VAN GROOT DINGE!!!  

 

Is dit goeie of slegte tydsberekening?

 

Ek dink ek is 'n bietjie mal om aan die EINDE van die jaar met nuwe dinge te begin, maar ek glo eintlik nie in nuwejaarsvoornemens nie, ek glo mens moet die hele jaar lank een of twee mylpale hê waarna jy streef en wanneer die tyd reg is, moet jy jy inspring en doen.  So vandag spring ek in en doen!

 

Maar bietjie meer oor wie ek is en wat jy kan verwag op hierdie verspreidingslys.

Ek is Wilmien, ek is nou 43 jaar oud, ek is baie lank :) 1,8 m!  Ek is getroud met Robin (en ja, hy is korter as ek - dis 'n laaaang storie).  Ons het twee pragtige kinders - Lillian is nou 10 jaar oue en Leonardo is nou 8 jaar oud. Ons homeschool nou al vir 2 jaar en 'n bietjie.  Ek kom uit 'n korporatiewe omgewing as ingenieur, maar fokus nou al my aandag op God, my man en kinders en my besigheid om ander mense te help groei.  Ek het nadat ek bedank het, myself as lifecoach (lewensaffrigter) gaan kwalifiseer en is betrokke by daardie maatskappy om ook nuwe lewensafrigters op te lei en te assesseer.

Ek hoop om een keer elke week vir jou 'n lekker lees brokkie nuus te deel oor wat ek met tuisskool al geleer het.  Ek het reeds al beplan om te praat oor die liefde vir wiskunde en hoe om dit in jou kinders te koester.  Ook wil ek deel oor spelling en hoe om dit sonder trane vir jou kinders lekker te maak (of ten minste so lekker as wat jy kan).  Laat weet my wat jy meer van wil hoor en ek gaan doen navorsing en kyk of ek enigsins iets van waarde kan deel. :)  Dit moet vir julle werk en waarde toevoeg.

 

Totsiens 2017

 

Dit was vir my so 'n lekker jaar, ek kon bou op die vorige jaar se kennis en ondervinding, ek het soveel by my tuisskool ondersteuningsgroep geleer en ek het as mens, mamma, vrou, juffrou gegroei.

 

Ek het ook besef dat daar so 'n groot nood vir Afrikaanse homeschool produkte is en ek het geleer hoe om van die produkte te kan ontwikkel.  Ek het ook die geleentheid gekry om dit op 'n paar tuiskkool kinders uit te toets!  Hulle het dit darem oorleef. :) :) :)

 

Welkom 2018

 

Ek is baie opgewonde oor wat die nuwe jaar gaan inhou, al is ons bietjie bang vir die BELA bill.  Ek is opgewonde om meer te leer waarin my kinders belangstel, nuwe tegnieke toe te pas (my kinders is my proefkonyne).  Ek is ook opgewonde om julle almal beter te leer ken en hierdie pad saam met julle aan te durf.

 

Ek gaan oor 'n week of twee vir julle inligting stuur oor logiese raaisels wat ek ontwikkel het, wat 'n lekker manier is om die vakansie te doen en jou brein lekker oefening te gee!

 

Die Waarde van Memorisasie

 

As ek dink aan memorisasie, dink ek dadelik aan maaltafels!! EEEEGGGGGHHHH!!! Of aan geskiedenis feite!!  Agge nee, net nie dit nie!!!!!  Ongelukkig het baie van ons net slegte konnektasies met memorisasie. Hoekom?  Wel, die nuutste breinnavorsing wys dat ons breine geprogrammeer is om te vergeet, so om te onthou gaan baie meer energie opneem.

 

Waarom is dit nodig om te memoriseer?

 

Lees my eerste tuisskoolblog by die volgende skakel om meer te leer.

http://www.wilmiendavisconsulting.co.za/my-school/123-bybelvers-memorisasie

 

 

 

 

Tot volgende keer

As julle op pad is om op vakansie te gaan - mooi ry, veilig ry.  Geniet die tydjie met jou gesin en maak goeie herinneringe.  Indien jy op die tuinroete gaan (rondom die huis), wees rustig en geniet dit wat jy het en bou jou eie herinneringe in jou agtertuin.  Tot volgende week - totsiens.

 

 

 


Attachments
wilmien_davis_consulting-newsletter_october.pdf